شهداء عيد الميلاد

مصر المحروسه ليه مخروسه
عن الحق اللي راح والدم اللي ســـاح
صراخ سمعناه من بلادي قالوا علي شباب نجع حمادي
حتي العيــــــــد راح بعيــــــد
دم ورصاص ومشرحه وزهور وورود متشرحه
وصويت وصراخ علي الابن والصاحب اللي راح
بس راح يعيد ف السما والمحافظ صابه العمي
واللقمه وقفت ف الزوور وعم الحاج جانا يزوور
زوبعه ف فنجـــان وانسي يا انســــان
دول مش مننا دول من بره مصر بخير بس ساكتولنا اللي بره
مش هنسكوت لاجوه ولابره مصر لازم تبقي حره
والساكت عن الحق شيطـان والآااه مكتومه من زمـــان
يا مصر بلاش تبقي خارسه يامصر اتكلمي ماتسبيش الفرصة
يا مصر اتكلمي يا مصر اتكلمي